Entrevistado por Gonzalo Lozano

Prégoche que antes de dárlle ó 'plei' leas o que che teño que dicir e que priorices velo na web do entrevistador antes que aquí. Ven sendo un xeito de amosarlle o teu apoio a un creador de contido.

Gonzalo Lozano, do que xa vos teño falado noutra publicaicón, lanzou un novo Podcast co que quixo contar comigo.

Eu cría que iamos falar dalgunha experiencia formativa, dalgún tema tipo sensores, algunha técnica fotográfica ou... que sei eu? calquera cousa desas das que me gusta falar cando nos liamos a paroladas sobre fotografía.

Pero desta volta tíñame preparada unha sorpresiña. Quería saber algo máis sobre min, sobre o meu xeito de ver a Fotografía, de como eu a sentía, coñecer máis ó que está detras do visor da miña cámara que ó que acontece diante.

Así que vos deixo coa entrevista que me fixo e que vos recomendo visitar desde a súa propia Web e por suposto non sen antes lembrarvos un par de cousiñas:

1. Apoia o seu Podcast a través do botón que hai na súa Web e así estarás poñendo en valor o seu traballo. Costa o mesmiño que invitalo a un café que ben merecido o ten.
   
   
2. Ségueo e suscríbete ó Podcast de Gonzalo en calquera das plataformas de Podcasting e tamén na súa canle de YouTube sen esquecer dárlle á campá para non perderte ningún episodio.

Agora, se me fixeche caso, chega o momento de pasar pola Web de Gonzalo para escoitar ou ver a entrevista que me fixo...

Graciñas, Gonzalo!