A calima que trocou unha paisaxe

O Milladoiro (Ames), 15 de marzo de 2022

Anxo Dafonte, 2022

Unha escena que podería parecer insólita. Galiza cúbrese dunha densa calima procedente da Nai Terra África nun acontecemento atmosférico pouco habitual. No que levo de vida non lembro cousa igual... e haberá mocidade (coma a miña propia filla) que isto igual non o vivira nunca... con todo... SI LEMBRO algo aínda moito peor...

Corrubedo (A Coruña), 9 de agosto de 2006

Anxo Dafonte, 2006

Igual non son as fotos de mellor calidade que se poden amosar, pero naqueles tempos era o que había se temos en conta tanto a data coma de que tratábase dunha pracenteira xornada de praia.

Pero non, o ceo non se tinguía nesa tonalidade nin pola calima nin polo solpór.

 

Anxo Dafonte, 2006

O sol esa tarde atopábase bastante alto, pero unha densa capa de fume e cinza escurecía o ceo e dáballe ese aspecto distópico e post-apocalíptico.

Así que ben pensado, aínda que molesto, é preferíbel uns días de calima a meses de terrorismo forestas coma os que sofreron os montes galegos durante os incendios do 2006 e cuxa procedencia era máis humana ca natural. Iso si que fixo dano e hoxe case que o temos borrado da memoria.

Aqueles tempos foron horríbeis, o que máis mailo que menos eramos aterrados espectadores daquela catástrofe e decatabámonos do febles que somos e da falla que fai educarse e prepararse para loitar con este tipo de atentados.

De cando en vez é preciso lembrar catástrofes porque igual algunha pode ser aticipada e con elo evitar certos danos ou se cabe e é posíbel, evitalas por completo.

De aí a importancia de facerte Cortalumes tal e coma te pediamos neste vídeo publicitario (fixádevos en quen sae no minuto 1'19"... sóavos esa cara?)😂😂

E lembrando estas imaxes só podo pensar e desexar que

 NUNCA MÁIS!

 

E ti? viviches os incendios do 2006? Coma é que os lembras? Podes deixarme se queres as túas impresións nos comentarios e deste xeito abrimos debate sobre esta catástrofe.